بانگھێشت نامە بۆ سەرجەم ئەندامانی ئەنجومەنی پارێزەرانی ژینگەی بانە (پاژین)
ئەندامانی بەڕێزی پاژین:
بە پێی پەیڕەوی فەرمی ئەنجومەن و لەسەر ئەساسی یاسای گشتی ڕێخراوەکە وادەی دوو ساڵەی کاری دەستەی بەڕێوەبەرایەتی و بازڕەسی ئێستەی پاژین گەیشتۆتە کۆتایی، بەم بۆنەیە پێویستە بە بەڕێوەبردنی هەڵبژاردنی گشتی دەستەی بەڕێوەبەرایەتی نوێ هەڵبژێردرێت،هەربۆیە لەسەر بڕیاری دەستەی بەڕێوبەرایەتی وادەی ئەم هەڵبژاردنە کەوتوەتە ڕۆژی سێشەممەی داهاتوو ڕێکەوتی۱۳۹۷/۳/۱ (جۆزەردان) لە هۆڵی ئیرشاد ئیسلامی کاتژمێر ۳ی دوانیوەڕۆ. بۆیە پێویستە هەموو ئەندامانی پاژین بێ جیاوازی و بە هەست بە بەرپرسیارەتی کردن و بێ خۆ بوواردن بەشداری ئەم هەڵبژاردنە ببن.هەروەها ڕایشی دەگەیەنین کە لە ڕۆژی هەڵبژاردن دا پەیرەوی ئێستەی پاژین بۆ ئیسڵاحیە دەخرێتە دەنگ دانەوە.
هەموو ئەوکەسانەش کە دەیانەوێ بەربژێرببن و خۆیان کاندید بکەن بۆ هەڵبژاردنی دەستەی بەڕێوەبەرایەتی و بازڕەسی نوێ، پێویستە تا ڕێکەوتی ۶ی ئێوارەی ۳۱ی گوڵان(ئاخرین مۆڵەتی فەرمی) بۆ پڕکردنەوەی فۆرمی بەربژێربوون سەردانی بنکەی فەرمی ئەنجومەن بکەن.
بە سپاسەوە: (#دەستەی_بەڕێوەبەرایەتی_ئەنجومەنی_پاژین)